Фото: Ильмира Нәгыймованың социаль челтәрдәге аккаунтыннан
Ильмира Нәгыймовадан тугры тамашачылары өчен шатлыклы хәбәр: җырчының яңа җыры чыккан. Әлеге иҗат җимешенең көен дә, бик күп җырларыныкын кебек үк, Ильмира үзе язган.
«Премьера. «Җаным». Рәхәтләнеп тыңлагыз. Сездән «репост» ясавыгыз сорала. Ильмира Нәгыймова көе, Ләйсән Гайнетдинова сүзләре», – дип игълан иткән автор-башкаручы социаль челтәрләрдә.
Комментарийлардан күренгәнчә, Ильмираның виртуаль дусларына җыр бик нык ошаган.
«Бу җырны көткән кебек, язны да шулхәтле көтмәдем», «Ура-а-а!», «Җыр супер!», «Каян алып бетерәсездер илһам. Искиткеч матур, дәртле, мәгънәле җыр!» – дип язганнар. Бик күп санлы «ут», «йөрәк», «алкышлар» ише смайликлар җибәргәннәр.
«Вау!» – дип сокланган җырга Ильмираның сәхнәдәше Гөлназ Асаева да.