Башкортстанның Гафури районы «Уңыш» хуҗалыгында 57 яшьлек тракторчы кырда янып үлгән. Июнь азагында булган фаҗигане хезмәт инспекциясе тикшереп бетергән, дип яза newsbash.ru.
Фаҗигане механизаторга ашарга алып килгән бригадир-учетчик ачыклый.
Механизатор басуга агу сиптергән. Кисмәк тишек була, аны ямыйлар. Әмма бераздан механизатор кисмәктән кабат акканны күрә һәм тишекне ямарга уйлый. Барып чыкмый һәм ул пластмассаны газ яндырыгычы белән эретеп ямамакчы була. Нәтиҗәдә бочка шартлый, һәм ул читкә оча. Бик нык пешкән механизаторны бригадир табып, хастаханәгә алып кайта. Аның тәне икенче һәм өченче дәрәҗәдә пешкән була. Табиблар тырышлыгына карамастан, ул берничә көннән Стәрлетамак хастаханәсендә үлә.
Хезмәт инспекциясе, фаҗиганең сәбәбе эшне дөрес оештырмау һәм хезмәткәрләрнең куркынычсызлык кагыйдәләрен белмәү, дигән нәтиҗә чыгарган.
Эш тикшерү органнарына тапшырылган.