«Универ» һәм «Глухарь» сериаллары актерының мәетен тапканнар
Актерның мәете аш бүлмәсендә ята, өстендә киеме булмый.
«Универ» һәм «Глухарь» сериалларында уйнаган актер Алексей Гериловичны мәетен Мәскәүдәге фатирында тапканнар. Бу турыда ТАСС һәм РИА Новости хокук саклау органнарындагы чыганакларына сылтама белән яза.
48 яшьлек актер элемтәгә чыкмый башлагач, дусты аның фатирына килә. Биредә ул Алексейның мәетен таба. «Якынча белешмә буенча, Герилович табигый үлем белән үлгән», диелә ТАСС хәбәрендә.
РИА Новости хәбәр иткәнчә, актерның мәете аш бүлмәсендә ята, өстендә киеме булмый. Аның янында дарулар салынган пакет та табыла. Көчләп үтерү билгеләре ачыкланмаган.
Алексей Герилович «Универ», «Глухарь», «Шелест», «Закон каменных джунглей», «Глубже», «На свете живут добрые и хорошие люди» киноларында төшкән.