Унитазга каткан сары таплардан ничек котылырга?

Өйдә су каты булса, сантехникага известь ташы катып, сары таплар барлыкка килә. Аларны химия чаралары белән дә бетерү шактый кыен. Бу эштә үкчә чистарта торган пемза ярдәм итәргә мөмкин. Киңәшләр сайтында шул хакта язылган.

Известь һәм «мочевой камень» дип йөртелә торган сары тапларны гадәти пемза белән ышкып карагыз. Пемза — бик йомшак абразив санала. Ул үкчәдәге каткан катламны кырып төшергән кебек, унитаздагы сары ташны да кырып төшерә.

Шул ук вакытта ул ак төсле фаянс унитазны бозмый да.

Пемза белән чистарткач, унитазга лимон кислотасы салып җибәрегез, ул пемзадан соң калган ташларны эретә, диелә хәбәрдә.