Унике яшьлек малай әтисе янына кырык чакрым җәяү барган
Әнисе кибеткә чыгып киткәч, малай әтисе янына җыена.
Алтай Республикасының Майминский районының Соузга авылы янында ЮХИДИ инспекторлары унике яшьлек малайны очрата. Бала федераль трасса буйлап бара, ул бик арыган һәм туңып беткән була. Бу турыда Алтай сайтында хәбәр ителә.
Полиция хезмәткәрләре бала янында туктала. Алар малайдан кая баруын сораштыралар. Үсмер берни дә аңлатып бирә алмый, инспекторлар аны полиция бүлегенә алып китә. Соңрак билгеле булганча, берничә сәгать элек бу малайның анасы полициягә мөрәҗәгать иткән. Ул 12 яшьлек улының югалуы турында сөйләгән.
Көзге каникул вакытында 12 яшьлек малай әнисе белән бакча йортында яши. Бакча Шебалинский районының Чега авылында урнашкан. Әни кеше кибеткә киткәч, малай әтисе янына барырга карар кыла. Әтисе исә Горно-Алтайск шәһәрендә өйдә калган.
Кибеттән кайткач, әни кеше улын югалтканын аңлый, эзли башлый. Үзе таба алмагач, хатын полициягә мөрәҗәгать итә.
Юлда автоинспекторлар очраганга кадәр малай 40 километр чамасы юлны җәяүләп узган була инде. Хәзерге вакытта баланың гомеренә куркыныч янамый, аны әти-әнисенә тапшырганнар, диелә хәбәрдә.
