Унбиш яшьлек кыз өч ай эчендә Коръәнне яттан өйрәнгән
Төркиядә яшәүче бу бала шундый кыска арада хафиз дәрәҗәсенә җиткән.
Төркиянең Конья шәһәрендә яшәүче 15 яшьлек Ирем Ашкин өч ай эчендә бөтен Коръәнне яттан өйрәнгән. Ул шундый кыска курс вакытында Изге Китапны өйрәнеп, хафиз булган. Бу турыда islamru инстаграм сәхифәсендә хәбәр ителә.
«Укытучым минем булдыра алганны аңлагач, Коръән ятларга бирем бирә башлады. Башта 1-5 бит, аннары 5-7 бит, аннары ун биткә кадәр арттырды. Мин өй эшен хатасыз тапшыруымны күргәч, көненә 15 биткә, аннары йөзгә кадәр җиткердем», — ди ул.
Моны күргәч, кызның әти-әнисе бик сөенгән. Уку беткәч, бәхетемнән еладым, ди ул.
Ашкинның укытучысы Миясе Кёрпе сүзләренчә, кыз башта гади класста укый, аннары Коръән өйрәнә торганга күчә. Укытучы баланың феноменаль хәтеренә гаҗәпләнә.
Коръәнне 93 көндә ятлап бетергән. Гадәттә, моның өчен еллар таләп ителә, диелә хәбәрдә.