АКШта 10 яшьлек кыз бала кияүгә чыккан һәм туйдан соң лейкемиядән үлгән. Бу турыда Америка басмасына сылтама белән «МК» хәбәр итте.
Төньяк Каролинада 10 яшьлек кыз иң яхшы дустына кияүгә чыккан. Туйдан соң 12 көн узгач, кәләш лейкемия авыруыннан вафат булган.
Эмма Эдвардс исемле кыз авыру белән озак көрәшә. Ул Дэниел исемле малай белән дуслашып йөри. Алар үскәч өйләнешергә хыяллана, аннары өч бала үстерергә җыеналар. Ләкин, кызганычка каршы, июнь азагында табиблар кызның әти-әнисенә кайгылы хәбәр җиткерә – кызны коткарып булмаячак.
Шуннан соң Эмманың әти-әнисе кызның хыялын чынга ашырырга була. Алар Дэниел белән туй ясый. Тантана кызның әбисе өендә була. Эмманы әтисе алтарь янына алып килә, бала үзе бик хәлсез була инде. Туйда 100 кеше кунак була, диелә хәбәрдә.