Ун яшьлек кыз язгы суда батып үлгән
Чувашстанда 9 апрельдә дәрестән соң буа янына уйнарга чыгып киткән өч кызның берсе батып үлгән.
Ун яшьлек кызның мәетен кичке уннар тирәсендә язгы кар суы эчендә табып алганнар. Бала ул урынга ничек килеп чыккан, әлегә ачыкланмаган.
Чувашстан буенча Гадәттән тыш хәлләр комиссиясе вәкиле "МК" сайтына белдергәнчә, хәзерге вакытта тикшерү эшләре бара.
