Ун яшьлек кыз парковкадагы машиналарны кырып йөрәк рәсеме ясап чыккан
Бала автомобильләрне бизәгән мизгелне видеокүзәтү камерасы төшереп торган.
Краснодар шәһәрендә ун яшьләр чамасындагы кыз бала парковкада унбишләп машинаның буявын кырып, йөрәк рәсеме ясап чыккан. Бу турыда «Вести» каналы хәбәр итте.
Автомобиль хуҗалары кузовтагы рәсемнәрне күреп, бик ачуланган. Алар күзәтү камераларындагы язманы тикшергән. Кадрларда нәни кызның машиналарга рәсем ясап йөрүе күренә.
Социаль челтәр кулланучылар сүзләренчә, баланы тапканнар, аның әти-әнисенә карата күмәк шикаять белдерергә җыеналар. Ләкин әлегә бу мәгълүмат расланмаган, диелә хәбәрдә.