Унөч яшьлек яшүсмер ваннада батып үлгән
13 яшьлек егетне әнисе ваннада аңсыз килеш тапкан.
Бүген Волгоградта билгесез шартларда 13 яшьлек малай үлгән. Бала ванна кергәндә вафат була. Бу хакта «Комсомольская правда-Волгоград» газетасы хәбәр итә.
Хәзер һәлакәт булган урында фаҗига шартларын һәм сәбәпләрен ачыклау максаты белән Волгоград өлкәсе буенча Тикшерү комитетының тикшерү идарәсе хезмәткәрләре эшли.
Мәрхүмнең әнисе сүзләренчә, улы тренировкадан кайткан һәм душ керер өчен ванна бүлмәсенә кереп киткән. Хатын-кыз бу вакытта өй эшләре белән шөгыльләнгән. 20 минут дәвамында улы ваннадан чыкмагач, әни кеше борчыла башлаган. Ванна ишеген ачкач, ул улының ваннада аңсыз килеш ятуын күргән.
Яшүсмернең үлеме буенча оештырылган тикшерү нәтиҗәләре буенча процессуаль карар кабул ителәчәк.
Бала тәрбияләнгән гаиләнең уңай булуы билгеле.
