Унөч яшьлек кыз эченнән бер кило чамасы чәч алганнар
Табиб сүзләренчә, балалар «нервыланган халәттә авызына чәч тутыра башлый, кайчакта аны йоталар да».
Казахстанның Тараз өлкә күп профильле балалар хастаханәсенә унөч яшьлек кыз баланы китергәннәр. Аның эче бик авырта. Тикшергәннән соң, табиблар баланың эчендә чит предмет булуын ачыклый. Бу турыда «Хәбәр24» басмасына сылтама белән «Московский комсомолец» язды.
Бала эчендәге предмет безоар дип атала, ул чәч бөртекләреннән тора. Табиблар кызны коткара. Аның ашказаныннан алынган чәч бөртекләре төененен авырлыгы бер кило чамасы булган. Аның озынлыгын 40 см чамасы булган.
Баланың ашказаны тулысынча диярлек шушы чәчләр белән тулган. Кыз ашый алмый, бик ябыга.
Операция яхшы узган, хәзер кызны дәвалау дәвам итә. Бала белән психологлар эшли.
