Ульяновск өлкәсендә яшәүче ир-ат танышын үтереп, мәетне ашамакчы булган
Җинаятьче корбанының йөрәген кисеп алырга тели.
Ульяновск өлкәсендә ир-ат белән хатын-кыз өч көн буена табын корып, салып утыралар. Шуннан соң ир-ат хатынны үтерә һәм ашамакчы була. Бу турыда «Вести» каналы хәбәр итте.
2019 елның 4 декабрендә булган җинаятьне әле дә тикшерәләр. Бу турыда РИА Новости агентлыгы үз чыганагына сылтама белән хәбәр итте. «Хатынны үтергәннән соң, ир-ат корбанының йөрәген кисеп алырга маташа. Ул аны ашмакчы була», диелә бу хәбәрдә.
Тикшерүчеләр ачыклаганча, кеше ашарга маташучы ир-ат шәһәрнең күрше районына китеп кача, аны шунда тоткарлыйлар.
Россия Тикшерү комитетының Ульяновск өлкәсе буенча Тикшерү идарәсе хәбәр иткәнчә, җинаятьчене медицина тикшеренүе көтә.