Вафат булган кешеләр өчен Коръән уку турында «Татарча хәдисләр» телеграм-каналында аңлаталар.
Вафат иткән кешегә Коръән уку ярыймы?
عَنْ مَعْقِلِ بْنِ يَسَارٍ أَنَّ رَسُولَ اللهِ صلى الله عليه وسلم قَالَ: «اقْرَءُوا يس عَلَى مَوْتَاكُمْ»
«Вафат иткәннәрегезгә Ясин сүрәсе укыгыз». Мүснәд Имам Әхмәд, 20301. Мүснәд Әбү Дауд әт-Таялиси, 973. Сүнән Әбү Дауд, 3121. Сахих Ибне Хиббан, 1712
Кайбер кешеләр «вафат иткән кешегә Коръән укырга ярамый» дигән сүз чыгарып, динебезгә яңалык (бидгать) кертәләр.
Кызганыч, мөселманнарның кайберләре бу имеш-мимешләргә ышана башлыйлар. Бу хәдисне Имам Әхмәд үзенең «Мүснәд» исемле хәдис җыентыгында китерә. Ул яхшырак беләме, яки заманабыз яшүсмерләреме? Бу төр хәдисләрне башкаларга җиткерергә тырышыйк әле, мөхтәрәм җәмәгать», – диелә хәбәрдә.
Әлеге постны Тимергали хәзрәт Юлдашев күчереп бастырды.
