Кытайның Гуанси провинциясендә 95 яшьлек Ли Сюфэн «вафат була». Ләкин «үлеменнән соң» 6 көн узгач, ул күрше-күләнне шаккатырып, кухняга ашарга пешерергә чыгып китә. Бу турыда «Московский комсомолец» яза.
Әби өйдә таеп егыла һәм башын имгәтә. Аны күршесе аңсыз килеш таба. Тәне җылы була. Тик 60 яшьлек күрше Чэнь Цинван әбине үлде дип саный. Чөнки әби дәшкәнгә дә җавап бирми, уянмый да.
Ли Сюфэнның туганнары булмый, шуңа күрә аны күршесе һәм аның улына җирләргә туры килә. Җирләү алдыннан табутны берничә көн өйдә тоталар. Бу вакытта мәрхүмнең танышлары һәм туганнары хушлашырга килә.
Цинван табутны кадакламый торырга була. Инде җирләргә вакыт җиткәч, 1 көн алдан Цинван табутның буш булуын күрә.
Шуннан соң әбине эзли башлыйлар. Аннары кухняда әбинең ашарга пешергәнен һәм сау-сәламәт булуын күргәч, бөтен авыл шакката, диелә бу хәбәрдә.