"Ул бала табар өчен карт инде". Роза Сябитова Дәүләт Думасы депутатының кияүгә чыкмаячагын фаразлаган
"Ул бала табар өчен карт инде". Роза Сябитова Дәүләт Думасы депутатының кияүгә чыкмаячагын фаразлаган
"Давай поженимся" тапшыруы алып баручысы Роза Сябитова "Говорит Москва" радиостанциясендә интервью вакытында Дәүләт Думасы депутаты, Кырымның элекке прокуроры Наталья Поклонскаяның яңадан кияүгә чыгуы икеле, дип әйткән. "Аңа сөйгән яр табу авыр булачак", - дигән Роза Сябитова.
"Мин димче буларак мондый очракларга тотынмыйм да", - дигән ул. Сябитова моның сәбәбен депутатның яше һәм җәмгыятьтә тоткан урыны белән бәйләгән. Поклонскаяның карьерасы тәртиптә, шуңа ул гади ир-атка кияүгә чыкмаячак. Тол яки аерылган ир дә Поклонскаяга туры килмәячәк, дигән ул.
Сябитова шулай ук Поклонскаяның уңышлы ир-ат белән танышкан очракта да бала таба алмаячагын фаразлаган. "Ул бала табар өчен карт инде - үпкәләтү өчен түгел, факт буларак әйтәм", - дигән ул. Поклонскаяның беренче ире белән аерылышканда чыгарган низагын искә алып, ул аның скандаллар остасы булуын да фаразлаган.