Дәүләт Думасының вице-спикеры Борис Чернышов (ЛДПР) вице-премьер Дмитрий Чернышенкога укытучылар өчен 1 сентябрьгә бер база оклады күләмендә бердәм федераль түләү кертү тәкъдиме юллаган. Бу хакта РИА Новости яза.
«Сездән Белем көненә (1 сентябрь) барлык педагогик хезмәткәрләргә (шул исәптән, өстәмә белем бирү өлкәсе хезмәткәрләренә дә) бер база оклады күләмендә ел саен бер мәртәбә бирелә торган түләүне федераль дәрәҗәдә закон нигезендә беркетү мөмкинлеген каравыгызны сорыйм», – диелгән документта.
Инициативаны гамәлгә ашыру бер мәртәбә матди ярдәм күрсәтү генә түгел, ә мөһим стратегик адым да булачак. Бу –укытучыларга дәүләт рәхмәтен ачыктан-ачык күрсәтәчәк, педагогик һөнәрнең абруен күтәрәчәк һәм мәктәпләргә талантлы яшьләрне җәлеп итүгә ярдәм итәчәк, диелә хәбәрдә.
