Укытучыларга бирелә торган бүләкләрнең бәясе лимитын кимендә 5 мең сумга кадәр арттырырга кирәк. Бу хакта «РИА Новости»га РФ Иҗтимагый палатасы секретаре урынбасары Владислав Гриб әйткән.
Аның сүзләренчә, хәзерге вакытта гамәлдә булган 3 мең сумлык лимитны кимендә ике тапкырга арттырырга мөмкин. Ул зур шәһәрләрдә яхшы чәчәк бәйләме һәм бер тартма конфетның еш кына 3 мең сумнан да кыйммәтрәк торуын билгеләп үткән. Шуңа күрә лимитны арттыру нигезле булыр иде, дип саный ул.
Гриб һәр ата-ана яки укучы бүләкнең бәясен үз мөмкинлекләренә карап билгели алуын ассызыклаган.