Краснодар краеның Отрадненский районындагы мәктәпләрнең берсендә рус теле һәм әдәбияты укытучысы мәктәптән китәргә мәҗбүр булган. Моңа кадәр бу хатын өлкән сыйныф укучысын авызын сабын белән чайкарга мәҗбүр итә. Башка балалар әлеге хәлне видеога төшереп ала һәм социаль челтәрләрдә тарата. Бу турыда «Комсомольская правда» яза.
Видео кадрларында укытучы балага сабын ашата, малай исә артык каршы да килми, камерага уйнаган кебек кылана.
«Әниең өчен, әтиең өчен», – дип сөйләнә укытучы, үзе укучы малайның авызына яшел сыеклык салынган дозатор куя. «Спектакль» берничә минут бара, аннары малай раковинага иелә, ул авызын чайкаган булуы ихтимал, диелә хәбәрдә.
Видеоны мәктәп җитәкчелеге күрә, укытучы классик мисал белән акланмакчы була.
«Рус теле һәм әдәбияты укытучысы коридорда сүгенгән тавышлар ишетә. Коридорга чыккач, 8 сыйныф укучысы сүгенүен ачыклый. Укытучы сүзләренчә, ул башка балалар алдында язучы Хемингуэй турында тарих сөйли. Язучы сүгенгәч, анасы аның авызын сабын белән юдыра торган булган. Укытучы сүгенүче малайга да шуны эшләргә тәкъдим итә, малай ризалаша», – дип сөйләгәннәр Кубаньдагы оперштабта.
Соңрак билгеле булганча, укытучыга карата эш ачулары ихтимал.