Укытучы хатын мәктәпкә бизәнеп килгән кызның битен юдырткан, аннары гафу үтенгән
Мәктәптә тикшерү башлангач, укытучы эштән киткән.
Ростов өлкәсендәге Морозовск шәһәрендәге мәктәпләрнең берсендә укытучы хатынның укучы кызны ачулануын видеога төшереп алганнар. Укытучы баланың бизәнеп килүен ошатмаган. Бу турыда РЕН ТВ хәбәр итте.
Укытучы хатын кыз баланы битен юарга мәҗбүр иткән.
Әлеге кадрлар социаль челтәрләрдә таралган. Укытучы баланы раковина янына алып килә, «менә сиңа шулай» дип сөйләнә һәм баланың битен юдыра башлый. Аннары ул кыз баланы класска кертә.
«Хәзер син сезне ничек тәрбиялисен белерсең. Кара син аңа, чибәркәй. Минем нервымны ашарга килгән. Юып ташла тиз генә», — ди укытучы.
Кадрларда укытучының баланы төрткәләве күренә.
«Комсомольская правда» белешмәсе буенча, бу вакыйгадан соң мәктәптә хезмәт тикшерүе булган. Шул вакытта укытучы эштән киткән. Бу укытучы баланың сыйныф җитәкчесе булуы билгеле. Әлеге вакыйгадан соң укытучы хатын укучы кыздан гафу үтенгән, диелә хәбәрдә.