Укытучы дүртенче сыйныф укучыларына эротик әкият укып, рәсемен ясарга кушкан
Свердловск өлкәсендә эротик җәнҗалдан соң, укытучы эштән китәргә мәҗбүр булган.
Свердловск өлкәсенең Мәгариф һәм яшьләр сәясәте министрлыгы Реж шәһәрендәге мәктәптә килеп чыккан низаг турында аңлатма бирде. Биредә укытучы 4 сыйныф укучыларына эротик эчтәлектәге әкият укырга биргән һәм рәсемен ясарга кушкан. Бу турыда министрлык башлыгы Юрий Биктугановкана сылтама белән «Интерфакс» хәбәр итте.
«Тикшерү бара. Без Мәгариф идарәсе һәм район башлыгы аша җентекләп тикшерергә куштык. Әлеге публикация чыкканда укытучының үз теләге белән эштән китү турында гариза язуы билгеле», — дигән министр.
Моңа кадәр биредәге матбугат чаралары хәбәр иткәнчә, Реждагы мәктәпләрнең берсендә дүртенче сыйныфта укучы балаларга укытучы Александр Пушкинның эротик сюжетлы әкиятен укырга һәм иллюстрация ясарга куша.
Журналистлар белешмәсе буенча, ата-аналар мәктәп директорына зарлана.
Шәһәрнең Мәгариф идарәсе хәбәр иткәнчә, укытучы бу әкиятне очраклы биргән, диелә хәбәрдә.