Укроп зонтикланмасын өчен нишләргә?
Укропның куак булып үсә торган аерым сортлары була.
Салатларга салу өчен, укропның яшел яфраклары кирәк. Укроп чәчәк атмасын - зонтик барлыкка килмәсен өчен киңәшләр Яндекс.Дзенда чыкты.
Салатка, ашларга, башка ризыкларга турап салу өчен үстерелә торган сортлар:
Салют
Буян
Аллигатор
Дилл
Амазон
Яфраклары аз, чәчәкләре күп була торган сортлар да бар. Аларны кыяр, помидор тозлаганда куллану өчен утырталар. Бу - зонтиклы сортлар:
Дальний
Грибовский
Зонтик
Гренадер
Карлик
Зонтик та, яшеллек тә булсын өчен, берничә сер бар. Укроп башта күп итеп үлән бирсен, аннары чәчәк атсын өчен, аны дөрес итеп утыртырга кирәк, дип киңәш бирәләр бу сайтта.
Укропны рәтләп түгел, күчләп утыртыгыз. 10-15 см үлчәмдәге тишекләр ясагыз, шунда укроп орлыгы салыгыз, су сибегез. Шул очракта укроп бет куак булып үсә, ул сусыл һәм йомшак була. Яшелчә тозлый торган чор җиткәндә, бу укроп чәчәк ата башлый - зонтиклары барлыкка килә, диелә хәбәрдә.
Укропны җәй уртасында да утыртып куярга була. Бу очракта көзгә кадәр түтәлдә яшел үлән булып торыр.