Украинада әсирлеккә төшкән Алексеевск районы Александровка авылы кешесе азат ителгән. Әсирләрне иллегә илле исәбе буенча алышу нәтиҗәсендә, ул әсирлектән чыгарылган. Хәзерге вакытта ул Мәскәүдә, дип хәбәр итә «Заря» газетасы.
Әсирлектән азат ителгән 50 кеше видеосы чыкты. Алар арасында Алексеевск районы кешесен дә күргәннәр. Туганнары әйтүенчә, ул исән-сау, азат ителүенә бик шат һәм озакламый өенә кайтачак.
Ноябрь башында Телеграм каналларның берсендә әсир хәрби видеосы чыкты. Ул үзен Алексеевск районы Александровка авылы кешесе дип әйтә. «Заря» газетасы язуынча, бу кеше үз теләге белән хәрби операциягә киткән булган.
Хәрбинең туганнары бернинди ярдәм җыймауны да сораганнар.