Украинадагы конфликт вакытында, Украинаның 100 меңнән күбрәк хәрбие, шул исәптән иң тәҗрибәле солдатлар һәм офицерлар һәлак булган. Бу хакта Politico газетасына сылтама белән ТАСС хәбәр итә.
Басма мәгълүматларына караганда, Киев күпчелек солдатны Артемовскида (украинча атамасы – Бахмут) югалткан. Шуңа күрә, АКШ хәзер ашыгыч рәвештә Украинага техника китерә һәм тиз темпларда украин хәрбиләрен өйрәтә.
Баштарак АКШ Кораллы көчләре штаблары башлыклары комитетының Оператив идарәсе җитәкчесе генерал-лейтенант Дуглас Симс, АКШ Оборона министрлыгы Украинада Россия махсус хәрби операциясе башланганнан бирле 4 меңнән артык украин хәрбиен әзерләгән, дип белдергән иде. Укыту шул исәптән АКШ территориясендә Форт-Силледа (Оклахома штаты) уздырыла, анда Украин хәрбиләре сугышта Patriot һава һөҗүменә каршы оборона батареясын куллануга әзерлек үткән.
