Украина кичекмәстән һәм һичшиксез утны туктатуны тели. Владимир Зеленский шундый чыгыш ясаган, дип хәбәр итә «Газета.ру» Украинаның «Общественное» басмасына сылтама белән.
«Без Украинада утны кичекмәстән, тулысынча һәм һичшиксез туктатуны таләп итәбез», – дип хәбәр иткән ул.
Чәршәмбе көнне Лондонда АКШ, Франция, Германия, Украина һәм Бөекбритания арасында тышкы эшләр министрлыгы башлыклары дәрәҗәсендә сөйләшүләр булырга тиеш иде. Әмма Британия Тышкы эшләр министрлыгы очрашуның күчерелүе турында хәбәр итте. Сөйләшүләр экспертлар дәрәҗәсендә узачак.
