Уфадагы бер фатирда янгын чыккан. Утны өйдә үзләре генә калган ач песиләр чыгаруы ачыкланган. Бу турыда «Башинформ» яза.
Уфадагы күп катлы йортта яшәүчеләр 112 номерына шалтырата, алар подъездда төтен исенә зарлана.
Урынга килгән янгын сүндерүчеләр куе төтен чыга торган фатир ишеген ватып ачалар. Плитәдә ризык салынган савыт яна. Фатирда 5 песи була, хуҗалар өйдә юк.
Ачыкланганча, песиләр, очраклы рәвештә, тәпиләре белән индукцион плитәнең панелен кабызган.
Коткаручылар янгынны сүндергән, диелә хәбәрдә.
Фото: © https://www.bashinform.ru, Башкортстан буенча Гадәттән тыш хәлләр министрлыгы
