Уфада югалган 15 яшьлек Аида Исхакованы эзлиләр
Бала 9 декабрьдә өйдән чыгып киткән.
Уфа полициясе 15 яшьлек Аида Исхакованы эзли. Бу турыда Башкортстан буенча Эчке эшләр министрлыгына сылтама белән «Башинформ» хәбәр итте.
Министрлык сайтында кызның ориентировкасы урнаштырылган. Бала 9 декабрьдә өйдән чыгып киткән һәм хәзергә кадәр аның кайда булуы билгеле түгел.
Аидага карап торышка 16-17 яшь. Бөдрә чәчләре иңенә кадәр озынлыкта, ул уртача гәүдәле.
Баланың өстендә кара дубленка, кара ботинка, соры джинс чалбар һәм соры башлык булган.
«Аида Исхакова турында белешмәсе булган кешеләрнең Россия Эчке эшләр министрлыгының Уфа буенча 6 нче полиция бүлегенә мөрәҗәгать итүләрен үтенәбез. Шалтырату өчен номерлар: 8-917-793-55-37, 02, 020, 002», диелә полиция хәбәрендә.
