Уфада вентилятордан чыккан ут аркасында ике хатын һәм бер бала янып үлгән
Фаҗига яз көне бүлмәне җылыта торган җайланма аркасында килеп чыккан.
Уфаның Калинин районы прокуратурасы биредә яшәүче 58 яшьлек ир-атка карата гаепләү карарын раслаган. Аны «саксызлык аркасында ике яки анна күбрәк кеше үлеменә китерү» маддәсе буенча гаеплиләр. Бу турыда «Башинформ» хәбәр итте.
Башкортстан прокуратурасы белешмәсе буенча, быел мартта бу ир-ат танышлары белән бергә спиртлы эчемлекләр эчеп утыра. Алар Ферин урамындагы йортларның берсендәге тулай торакта була.
Бәйрәм тәмамлангач, ир-ат йокларга ята, җылылык вентиляторын челтәргә тоташкан килеш калдыра. Төнлә электр приборына ут каба, янгын чыга. Урынга килгән коткаручылар янгынны сүндергәндә ике хатын-кыз һәм 11 яшьлек малай мәетен таба.
«Алар яну продуктлары белән агуланып һәлак булган», — дигәннәр Тикшерү идарәсендә.
Ир-ат гаебен тулысынча таный. Җинаять эшен судка тапшырганнар.