Уфада ун яшьлек Денислам югалган
Бала өстенә яшел-көрән куртка, кызыл кроссовки кигән.
УФада югалган ун яшьлек Денислам Вәлиевне эзлиләр. Бу турыда 22 гыйнварда «Лиза-Алерт» волонтерларына сылтама белән Башкортстан матбугат чаралары яза.
Бала 21 гыйнварда югалган.
Буе 147 см, яшел күзле, уртача гәүдәле.
Бала өстенә яшел-көрән куртка, соры толстовка, хаки төсле джинс чалбар, кызыл кроссовки кигән.
Бала турында белешмәсе булган кешеләргә шалтырату өчен номер: 8–800–700–54–52, 112 яки 89174185213