видеодан скриншот
Уфада төнге клуб янында үлем хәленә җиткәнче кыйналган егет инвалид калган. Бу турыда «Башинформ» хәбәр итте.
Уфаның Ленин районы суды 18 октябрьдә Уфада яшәүче Олег И.ны кыйнау турында җинаять эшен карый башлаган.
«Честно говоря» телеграм-каналы белешмәсе буенча, аны төнге клуб янында 2 егет үлем хәленә җиткәнче кыйнаган. Җинаять эшенең бер фигурантын 3 елга ирегеннән мәхрүм иткәннәр инде. Икенчесе суд карарын көтә.
Олег журналистларга белдергәнчә, вакыйгадан соң 1 ел чамасы узган инде. Ләкин ул әле дә тернәкләнеп бетә алмый. Аның башына титан пластина куйганнар. Әле тагын операция ясыйсы бар. Егет инвалид кала, диелә хәбәрдә.