Уфада Мостай Кәрим исемендәге театр артисты кырык яшендә үлгән
Кирилл Ажмяков үлеме коронавируска бәйле түгел дип фаразлыйлар.
Уфада Мостай Кәрим исемендәге Милли яшьләр театры артисты Кирилл Ажмяков 40 яшендә вафат булган. Бу турыда «Башинформ» хәбәр итте.
Якынча белешмә буенча, аның үлеме коронавирус инфекциясе белән бәйле түгел.
Кирилл Ажмяков Яшьләр театрына эшкә 2017 елда килгән. Быел ул Мостай Кәрим әсәре буенча куелган «Белое Чудо», Бомарше әсәре буенча куелган «Безумный день или женитьба Фигаро», Вахтин әсәре буенча куелган «Синяя-синяя речка» спектакльләрендә уйный.
Мәрхүмне җирләү вакыты өстәмә хәбәр ителәчәк, диелә бу хәбәрдә.
