Уфада “Максидом” гипермаркеты янган
Янгын турында хәбәр төнге сәгать икедә килгән.
Башкортостан Республикасы Гадәттән тыш хәлләр министрлыгы мәгълүматлары буенча Уфаның Жуков урамында урнашкан өч катлы “Максидом” төзелеш гипермаркетының алгы өлеше янып киткән. Янгынның мәйданы 60 квадрат метрны тәшкил иткән, дип яза ГТРК «Башкортостан» сайты.
Янгынны сүндерергә Россия Гадәттән тыш хәлләр министрлыгыннан 14 техника берәмлеге һәм шәхси составтан 33 кеше килгән. Ачык утны 02:32 сәгатьтә сүндергәннәр. Һәлак булучылар һәм зыян күрүчеләр юк.
Янгынның сәбәпләре ачыклана, гадәттән тыш хәл урынында янгын лабораториясе белгече һәм Россия Гадәттән тыш хәлләр министрлыгы тикшерүчесе эшли. Янгын урынына Башкортостан Республикасы буенча Гадәттән тыш хәлләр министрлыгы Баш идарәсе җитәкчесе урынбасары Эдуард Идрисов та килгән.