Уфада кораллы бандитлар телефон салонын талый (видео)
Медицина маскалары кигән кешеләрнең салонга бәреп керүләре видеокамерага төшкән.
Бу хәл Уфаның Сипай районында кичен була. Битләрен маска белән каплаган, кулларына пистолет тоткан ике кеше телефон салонына бәреп керә. Берсе, коралын кибетчеләргә төзәп, акча таләп итә, икенчесе ишекне саклый. Талаучыларның берсе кассадагы акчаны таләп итә. Аннары алар витринаны ватып, телефоннарны ала һәм чыгып кача.
Талаучылар 15 айфон һәм ун мең сумнан күбрәк акча урлаган. Аларны полиция эзли дип хәбәр итә "Башинформ", "Башкортстан" дәүләт телерадиокомпаниясенә сылтама белән.