Уфада фаҗигале һәлак булган 13 яшьлек малайны соңгы юлга озаттылар. Үсмер баланы, 2 ай эзләгәннән соң, Агыйдел елгасы ярында, Җиңү паркы янында таптылар. «Башинформ»га билгеле булганча, бүген Свято-Сергиев чиркәвендә баланы соңгы юлга озатканнар.
Башкортстанның Сәламәтлек саклау министрлыгы мәгълүматлары буенча, психотерапия үзәге белгечләре укучы баланың туганнарына ярдәм иткән. Балаларны эзли башлауның беренче көненнән үк, үзәк психологлары гаиләләр янында булган, тиешле бөтен ярдәмне дә күрсәткән. Алар бүген малайны соңгы юлга озатуда да катнашкан.
«Психологик ярдәм күрсәтәбез. Әти-әниләргә, хисләрен җиңәр өчен, психологлар һәм психотерапевтлар алар белән йомшак кына элемтә урнаштыра, алар куркулары, уй-фикерләре белән уртаклаша ала. Беренче чиратта, психолог бу бәхетсезлектә үз-үзеңне гаепләүне юкка чыгару буенча эшли», – дип сөйләгән республика психотерапия үзәге баш табибы Наталья Тулбаева.
Баштарак «Башинформ», Уфада коткаручылар хәбәрсез югалган 14 яшьлек Дамир Адигамовны эзләүне дәвам итә, дип язган иде.
