Уфада Боинг-737 самолеты экстрен рәвештә туктарга мәҗбүр булган. Бу турыда «Башинформ» хәбәр итте.
30 апрельдә бу самолет «Мәскәү-Ереван» маршруты буенча очкан. Самолетның сул яктагы генераторы эшләүдән туктаган. Шул сәбәпле Уфа аэропортына төшеп утырырга мәҗбүр булган.
Aviaincident телеграм-каналы белешмәсе буенча, самолет җирле вакыт белән 16.49 сәгатьтә уңышлы гына утыра алган.
Самолеттагы 127 пассажир һәм экипажның 7 әгъзасы барысы да исән-сау, борттагы кешеләргә зыян килмәгән, диелә хәбәрдә.
