Уфада ашыгыч ярдәм хезмәткәрен кыйнап ташлаганнар
Полиция тикшерү эшләре башлаган.
Кичә кич белән Уфада бер ир-ат ашыгыч ярдәм хезмәткәренә һөҗүм иткән һәм аны имгәткән. Бу турыда шәһәр хастаханәсеннән полициягә әйткәннәр. «Башинформ» шул хакта хәбәр итте.
Якынча белешмә буенча, табиблар бригадасы Пекин урамындагы йортка чакыру буенча килә. Табиблар өлкән яшьтәге хатынга ярдәм күрсәткән чакта, аның 35 яшьлек улы талаша башлый.
«Урынга килгән полиция хезмәткәрләре талаш китереп чыгаручыны тоткарлады һәм полиция бүлегенә алып килде. Тән җәрәхәтләре ясау факты буенча тикшерү башланды, аның нәтиҗәләре буенча процессуаль карар кабул ителәчәк», — дип аңлатканнар Эчке эшләр министрлыгының Уфа шәһәре буенча идарәсендә.
