Уфада абыйлы-сеңелле ике бала югалган
Эзләүчеләр балаларга медицина ярдәме кирәк булуын хәбәр итә.
Уфада 14 яшьлек Йосыф белән 12 яшьлек Нурия Климовлар 10 декабрьдә югалган. Балалар мәктәптә өйгә кайтмаган. Бу турыда «Башинформ» хәбәр итте.
«Лиза Алерт. Башкортсотан» волонтерлары балаларга медицина ярдәме кирәк булуын хәбәр итә.
«Балаларның ата-анасы полициягә мөрәҗәгать итте. Балигъ булмаган балалар элемтәгә чыга. Якынча белешмә буенча, алар Уфа территориясендә. Хәзер эзләү бара», — дип аңлатканнар Башкортстан буенча Эчке эшләр министрлыгында.
Йосыфның буе 152 см, ул уртача гәүдәле, кара бөдрә чәчле, күзләре караңгы-коңгырт. Бала зәңгәр пуховик, зәңгәр джинс чалбар, караңгы зәңгәр төсле күлмәк, кара күн аяк киеме, помпонлы зәңгәр башлык кигән.
Нуриянең буе 164 см, ул чандыр гәүдәле, көрән-соры чәчле, көрән күзле. Бала озын кызыл пуховик, зәңгәр гамаш, кара сарафан, кара биек аяк киме, ялтыравыклы зәңгәр башлык кигән.
Балалар турында мәгълүматы булган кешеләр 8-800-700-54-52 яки 112 номерына шалтырата ала.