Уфада 83 яшьлек карт чокырга егылып төшкән

Коткару хезмәтендә "Башинформ" агентлыгына хәбәр иткәнчә, Уфада яшәүче 83 яшьлек пенсионер электричкадан өенә кайтканда юлны кыскартырга уйлаган. Ул койма аркылы чыга һәм төрле чүпләр, агачлар һәм ботаклар өелеп торган ташландык участокка эләгә. Шуңа да карамастан ир-ат юлын дәвам иткән, ләкин абынып киткән һәм чокырга егылып төшкән. Аннан ул үзе генә чыга алмаган.

Коткаручылар зыян күрүче янына альпинистик җайланмалар һәм баскычлар ярдәмендә төшкән. Ир-атка беренче ярдәм күрсәтелгән һәм аны ашыгыч ярдәм машинасына алып барганнар. Егылу нәтиҗәсендә ир кулын сыныдырган дип фаразлыйлар.