Уфада 13 яшьлек кызны сукбай этләр чирүе талап үтерә язган
Көндез шугалакка барырга чыккан бала имгәнгән.
Уфаның Калинин районы прокуратурасы 13 яшьлек баланы сукбай этләр талау фактын тикшерә. Бу турыда «Башинформ» хәбәр итте.
Прокуратураның якынча белешмәсе буенча, 19 декабрьдә көндез кыз бала шугалакка барырга чыга. Юлда аңа сукбай этләр чирүе ташлана. Баланың башын, гәүдәсен һәм аяк-кулларын этләр тешләп яралый. Баланы узып баручы ир-ат коткара, ул ашыгыч ярдәм чакыра.
Кызның анасы сүзләренчә, бала шугалакка барырга чыга, ләкин аяк-куллары, күз кабагы имгәнеп хастаханәгә эләгә. Хәзер аңа котыруга каршы профилактика курсы узарга кирәк була. Әни кеше сүзләренчә, бу тирәдә балалар курка торган этләр бик күп.
Тикшерү барышында җирле үзидарә, сукбай этләрне тотучы оешмалар эшчәнлегенә бәя биреләчәк.
Тикшерү комитеты «ваемсызлык» маддәсе буенча тикшерү башлаган.
