Уфа урамында шәп-шәрә кыз йөргән
17 градус салкында киемсез йөргән кыз тыелган матдәләр куллангандыр дип фаразлыйлар.
Уфада 17 градус салкын булган кышкы көнне урамда шәп-шәрә килеш бер кыз йөргән. Шәрә кыз йөргән кадрларны «Башкортстан» телеканалы күрсәтте.
Шәрә кыз Ибраһимов бульварыннан бара. Ню стилендә йөргән кыз узып баручыларын шок халәтенә китерсә дә, аңа беркем дә комачауламаган.
Видеода ир-атлар тавышы бу кыз бәхәстә оттыргандыр, тренингтан киләдер дип фаразлый.
«Бәлки көчләгәннәрдер?», «Берәр нәрсә иснәдеме икән», «Бөтен җирен катырып бетерә инде», — дип язалар.
Социаль челтәр кулланучылар күбесе бу кыз тыелган матдәләр куллангандыр дип фаразлый, диелә хәбәрдә.
