Уфа урамнарында кызлар күлмәге, оек, памперс кигән ирләр йөри — фото

Үзәк базар, хастаханә тирәсендәге урамнарында йөргән сәер ир-атларны видеога, фотога төшергәннәр.

Уфадагы сәер хәлләр турында «Башинформ» агентлыгы хәбәр итте.

Үзәк базар тирәсендә хатын-кыз күлмәге, туфли, чулки, эшләпә кигән ир-атлар йөргән. Светофорның яшел утын янганын көтеп торган арада, алар күлмәк итәкләрен җыйган, чулкиларын тарткалаган.

Соңрак памперс кигән ир-атларны видеога төшергәннәр. Алар башларына чепчик, аякларына ак гольф кигән. Болары хастаханә тирәсендә очраган.

Фотолар һәм видео социаль челтәрләрдән алынган.

Публикация от БашДТП | ДТП/ЧП Уфа и РБ (@bash.dtp.official) 31 Май 2018 в 10:02 PDT

Инстаграм кулланучылар бу кешеләрне психология тренингларына йөрүчеләрдер дип фаразлый.

Комментарийлар (0)