Сочида тау чаңгысы курортында бер ир-атны яшен сугып үтергән. Бу турыда Россия Тикшерү комитетының Краснодар крае буенча Тикшерү идарәсенә сылтама белән РЕН ТВ хәбәр итте.
Фаҗига 7 августта канатлы юлның «Поляна 2200 м» станциясендә була.
Тикшерү эшләре бара. Ир-атның Сочига Уфадан килүе билгеле, диелә хәбәрдә.
«Комсомольская правда» белешмәсе буенча, Аибга таулары түбәсендә яшенле яңгыр була. Мәрхүм ир-атка 47 яшь. Фаҗига вакытында ул улы белән аска таба төшеп бара була. Яшен суккач, әти кеше үлә, улы саңгыраулана.
Фаҗига диңгез өстеннән 2100 метр биеклектә була.
