Уфа табибы COVID-19 белән хастаханәгә ятканда үзең белән ниләр алырга киңәш итә?
Хастаханәгә ятканда кыйммәтле әйберләрне үзең белән алмау хәерле, ди ул.
Башкортстанда «кызыл зонада» эшләүче табиб авыру йоктырган кешеләргә киңәшләрен әйткән. Зубовода COVID-19 госпиталендә эшләүче табиб Глеб Глебов «COVID-19 от А до Я» дигән методичка ясаган. Биредә хастаханәгә ятканда үзең белән алырга кирәкле әйберләр исемлеге бар. Бу турыда Уфа.Онлайн хәбәр итте.
- Беренче чиратта документлар — паспорт һәм полис кирәк. Аларны больничный рәсмиләштерү өчен кулланалар. Әгәр больничный алдан ачылган булса, аны озайту өчен дә паспорт белән полис кирәк.
- Хастаханәгә үз савыт-сабаң белән бару хәерле. Тәлинкә, чокыр, стакан, кашык, салфетка алыгыз.
- Душка керү өчен резин сланцы, палатада йөрү өчен тукыма аяк киеме. Халат һәм спорт костюмы булса да яхшы. Әлбәттә, пижама һәм эчке киемнәр.
- Хроник авырулар булса, эчә торган дарулар.
- Теш пастасы, теш щеткасы, сабын, шампунь, бәдрәф кәгазе, дезинфекция чаралары, сөлге.
Кыйммәтле әйберләрне хастаханәгә алып бармагыз, алар өйдә калып торсын. Хастаханәдә алар сезгә тәгаен кирәк булмас, дип киңәш итә табиб.