Башкортстанның сәламәтлек саклау министрлыгы хәбәр итүенчә, Уфаның 48 номерлы хастаханәсе баш табибы Наил Хашим улы Насыйбуллин вафат булган. Аңа 60 яшь булган.
Наил Хашим улы хезмәт юлын Әбҗәлил районы авылларында фельдшер булып башлап җибәргән. Соңыннан Уфа хастаханәләрендә эшләгән. 2000 елдан - Уфа сәламәтлек саклау баш идарәсендә. 2005 елда баш табиб итеп билгеләнгән.
Сәламәтлек саклау министрлыгы Наил Хашим улының якыннарының кайгысын уртаклаша.
