Уфа хастаханәсендә бала табарга җыенучы хатынга коткаручылар ярдәме кирәк булган
Авырлы хатынның бармаклары шешкән һәм йөзеге салынмый башлаган.
16 ноябрьдә кич белән Уфадагы хастаханәдә бала тудыру бүлегендә ятучы авырлы хатынга коткаручылар ярдәме кирәк була. Бу турыда Уфа коткаручыларының рәсми сайтында хәбәр ителә.
Хастаханәдә бала тудырырга әзерләнеп ятучы хатынның бармагыннан йөзеге чыкмый. Хатынның кулы шактый шешкән һәм йөзек кысылып калган. Бу хәл хатынга шактый кыенлык тудыра, бармагы авырта.
Урынга коткаручылар чакыралар. Алар бөтен санитария кагыйдәләрен үтәп, бала тудыру йортына керә. Коткаручылар авырды хатынның кулындагы йөзекне ипләп кенә салдыра.
