Уфа-Чишмә юлында коточкыч һәлакәттә өч кеше үлгән
Яшь егет идарә итә торган машина каршы якка чыга.
7 сентябрьдә иртәнге якта Уфа-Чишмә юлында авариядә өч кеше үлгән. Бу турыда «Башинформ» хәбәр итте.
Биредә «ВАЗ-2112» машинасына каршыга килә торган «Лада Гранта»га бәрелә. «ВАЗ-2112» белән Чишмә районында яшәүче 21 яшьлек егет идарә итә. «Лада Гранта» руле артында Кырмыскалы районында яшәүче 61 яшьлек ир-ат була.
ЮХИДИ белешмәсе буенча, авариядән соң «Лада Гранта» йөртүчесе һәм пассажиры, «ВАЗ-2112» пассажиры урында ук һәлак була.
«ВАЗ-2112» белән идарә итүче егет һәм «Лада Гранта»да баручы бер пассажир имгәнә, аларны хастаханәгә илтәләр.