Уфа блогеры, алып баручы, әнисе белән «Татарская мама» дип исемләнгән видеолар төшерүче Руслан Сәйфетдинов сөйгәненә самолетта тәкъдим ясаган.
«Ул «әйе» диде. 10 мең км биеклектә», – дип язган ул.
Видеода күренгәнчә, Сәйфетдинов дуслары белән самолетта ял итәргә бара. Шул вакытта ул сөйгәне каршына тезләнеп: «Миңа кияүгә чыгасыңмы?» – дип сорый. Сөйгәне «әйе» ди һәм йөзекне ала.
Самолеттагы пассажирлар дәррәү кул чаба һәм «котлыйбыз» дип кычкыралар.
Блогерның язылучылары кызның бу адымын ошаткан. «Башкалар кебек, битен кулы белән каплап, нишләргә белмичә тормады. Молодец», – дип язган алар. Әлбәттә, яшь парны котлаганнар, алдагы тормышлары да матур булуын теләгәннәр.
Хәзер Руслан Сәйфетдинов сөйгәне һәм дуслары белән Мисырда ял итә, ул туган көнен дә шунда каршылый.
