Армиядә вакытта казарма ишелеп ике аяксыз калган, иң биек тауларга кулында менгән, бик күпләрнең мотиваторы, блогер, хәзер күп балалы әти Рөстәм Нәбиев социаль челтәрдәге сәхифәсендә хатынын һәм нәсел дәвамчысы – улы Таһирны каршы алырга ничек әзерләнүен күрсәтте.
Ул бүлмәне бик күп чәчәк бәйләмнәре һәм шарлар белән бизәгән. Видеода бик самими мизгел күренә. Блогерның кызлары София һәм Әминә энекәшләре белән таныша.
