Казарма ишелеп ике аяксыз калган Уфа блогеры Рөстәм Нәбиев күп балалы әти булды. Ике кыздан соң аның улы Таир туды.
Блогер күп балалы гаилә булу хыялы чынга ашуын һәм «күп балалы гаилә» таныклыгы алулары турында да хәбәр итә.
Видеода күренгәнчә, ул улы белән туган теле – татар телендә сөйләшә. «Улым, тордыңмени? Тордыңмы? Ашадыңмы? Маладис, улым, бүген зур эшләр эшләгәнсең. Ыг-гы! Сөт исләре килә үзеңнән, балакаем. Сөйләшеп ята бит минем улым. Нинди уйларың бар? Әйдә, сөйлә барысын да», – ди бәхетле әти кеше.
Аңа җавап итеп улы да «ыггы-ыгы» дип сөйләшеп ята.
