![«Уф, үтерәсең! Күңелләрне күтәрәсең»: Рамил Шәрәпов җәйгә яңа эшкә урнашкан](https://intertat.tatar/resize/shd/images/uploads/news/2023/6/9/1ddc2ce860c6bc59a0fc6ea8acd2c7e2.jpg)
«Шәрәпҗан» образы белән үзен яраттырган Рамил Шәрәпов социаль челтәрдәге сәхифәсенә кызыклы видео куйган һәм җәйгә яңа эшкә урнашуы турында да хәбәр иткән.
«Яңа эшкә урнаштым, көтүдә кәҗәләр тәрбияләп йөрим», – дип язган артист.
Видеода күренгәнчә, артист сарык-кәҗә көтүенә чыккан. Ул кәҗәләр белән тәмам дуслашып беткән, алар аның машинасына да утырып йөри башлаган. Машинага бер ишектән кергән кәҗәне икенче ишекне ачып чыгара ул.
«Мин ул, мин – Рамил Шәрәпов. Таныдыгыз мәллә?» – ди Рамил Шәрәпов үзе янына йөгереп килгән кәҗә-сарык бәтиләренә.
«Кәҗә тәсбих тарта»;
«Кәҗәләргә кадәр үз итә бит сине»;
«Үтерәсең, Шәрәпҗан, көчкә туктадым көлүдән»;
«Уф, үтерәсең! Күңелләрне күтәрәсең»;
«Арт сабагыңны укытмасын, кәҗә төртсә», – кебек комментарий калдырган артистны кызыксынып күзәтүчеләр.