Уеннан уймак чыккан — блогер «бомба кыз» Илүсә егетен күрсәтте
Раушан белән Илүсәне блогерлык эше таныштырган. Алар бергәләп вайннар төшергәннәр. Әмма бу уен чын мәхәббәткә әверелгән.
Блогер «бомба кыз» Илүсә үзенең сөйгән ярын күрсәтте. Төгәлрәк итеп әйтсәк, Раушанны Илүсәнең язылучылары яхшы белә — әлеге пар бергәләп бик күп вайннар төшерде. Әмма яшьләрнең уены чын мәхәббәткә әверелгән.
«Барысы да: „Сез контентмейкер эзлисезме?“ — дигән смстан башланды. Без августта таныштык. Ул вакыттан бирле күп нәрсә үзгәрде. Уеннан чын мөнәсәбәтләргә күчтек. Раушан бервакыт: „Барысы да уеннан башланган иде. Нәтиҗәдә, без бер-беребезгә гашыйк булдык“, — дип куйды. Шулай итеп миңа мәхәббәтен аңлатты. Ул төнне әле дә хәтерлим. Без төне буе сөйләшеп чыктык, сүзләребез бетмәде», — дип язган Илүсә инстаграмда.
Инстаграм дуслары башта бу постны хайп дип кабул иткән. Ә инде Илүсә белән Раушанның чыннан да бергә икәнлегенә ышангач, яшьләргә бәхет теләгәннәр. «Сез икегез дә бик кызык кешеләр. Туры килеп торасыз, уңышлар», — дип язганнар.